10個要去德國Working Holiday嘅原因

口嚮嚮話要去德國Working Holiday, 梗係有一堆原因啦

 

 

1. 搵唔到工:作為一個Fresh Grad,我都算失敗的一群。一畢業就失業, 咁不如趁後生順便出外見識世界, 順便搵工
2. 德國係"工程之鄉":作為工程讀男當然要朝聖一下
3. 我唔知香港有幾好，呢D野無比較係無答案。
4. 我想去德國讀書
5. 人開始打工之後，唔係咁易有咁嘅時間完全屬於你自己。特別係我呢啲"Engine仔"，未做到工程師邊可以隨便走啊？而且一般由乜都無做到工程師都要至少6-7年, 到我charter到做工程師都已經30幾啦，Working Holiday仲邊得俾我去？
6. 試下自己嘅外語能力
   話說娘親係我細細個嘅時候已經同我灌輸 ‘做人點都要學一種歐洲語言’，西歐就法文西班牙文；東歐就德文。法文浪漫，但係法國佬串，唔會同你講英文；係德國你德文更唔掂都有人肯同你講英文(好似係), 於是德文it is。
7. 退休後，"環遊世界"只係一個有心無力純粹到此一遊嘅夢想。既然如此，何不襯後生去睇下呢個世界有幾大？
8. 我唔想畢業之後淨係識打工搵錢儲錢上車。香港人一世嘅formula: 出世 -> 讀好書 ->入好大學 -> 搵入好工….跟住呢？上車？跟住呢？退休？環遊世界？其實黃子華喺93年嘅棟篤笑暗示過大部分香港人由生到死都唔夠薑搵一個屬於自己嘅答案，行一條屬於自己嘅路，大家都只會行一條個個都行嘅"參考答案"，夠安全啊。當一個人其實知自己想做乜，係唔會問跟住去邊度，佢會知道下一步做咩。我想搵到自己人生嘅意義，我想搵到自己嘅答案行一條屬於自己嘅路，仆街唔會喊。
9. 喺香港玩人生呢隻Game，真係好似玩緊Hard Mode，作為一個Average Gamer, 何必不自量力越級挑戰呢？不如出去睇下有咩機會。
10. We only live once, there is no time for regret.

其實邊有10個理由咁多，上面啲野都係東湊西拼嘔出嚟。亦都係俾一個機會自己反思自己去德國WH嘅動機。

基於小弟讀工程，寫數字多過寫文字，文筆邏輯可能唔多通順，請多多包’含’。呢樣亦都係我希望透呢次WH，一路俾機會自己寫下野，記低自己心路歷程，最終成為文字之鬼，發夢唔洗做工程佬:p