人在外，唔多唔少會掛住屋企嘅食物，我都唔例外。曾經向自己誇下海口咁話，點都唔會掛住香港啲食物乜乜乜。起初都做到意粉，沙律，凍肉，面包，粟米片等等等等。但係慢慢，總係有啲魔鬼係你前右纏住你，叉燒就係其中一樣。
係香港， 就算你唔識煮餸，都嗡得出梅頭肉、五花腩、豬頸肉啦下嘛？但係問我梅頭肉英文係咩，更甚者德文呢，我就真係當場企係度。想食，又唔識野，咁唯有去超市實地考察下。
實地考察過後，得出結論係：豬肉黎講，佢地大多數唔係豬排就免治。梅頭肉？咩黎嫁？正當我想帶一滴隱約嘅眼淚華麗轉身抽頭而去嘅時候…..發現嘅凍櫃最底果格….
Ja，係 Ja啊，唔識德文嘅會唔知發生咩事。其實Ja，係德文黎嘅，意思啫係Yes咁解，而德國當地超市Rewe就攞左黎做自家特惠版個名。講完題外話，呢條就我買到最似梅頭肉嘅豬肉啦
咁其實我都唔知佢係咪梅頭肉, 只係見佢瘦中帶肥又一條咁嘅狀, 就好理所當然咁當佢係一條叉燒.
好啦講咁耐, 食譜呢? 食譜如下:
材料：
- 梅頭豬肉(?) 約700克
- 李錦記叉燒醬 4湯匙 (隨個人喜好，可以增減)
- 蜜糖（honey） 適量
醃料：
- 紹興酒 1湯匙
- 生抽 （light soy sauce, 醬油）1 湯匙
以上所有野除左蜜糖都可以係亞超買到, 而慕尼黑亞超首選當然係華興啦.蜜糖隨手係超市立支都好ok嫁啦.
做法：
- 先把梅頭豬肉洗凈。切成約2吋至2吋半寬的條狀。用醃料及叉燒醬拌勻，放入雪櫃（冷庫）中，最好醃過夜，較入味。
- 焗爐預熱至200度C. 把醃好的豬肉條放在焗盤中，倒進所有汁料。用鋁箔紙foil蓋好，焗約30分鐘。然後把鋁箔紙拿走，把焗爐調低溫度至100度C. 由此時開始，要常常留意著，開始時大約每隔 10分鐘，用匙羹把焗汁均勻地淋在叉燒上面，以保持叉燒表面濕潤。間中反轉另一面焗，並經常用焗汁淋上面。焗汁會慢慢收乾，而且顏色漸變鮮紅,到汁液開始減少和變濃就要密密淋汁液.
- 從焗爐取出，等待十多分鐘後，讓叉燒吸收肉汁。不要立刻切叉燒，這樣會令裏面的肉汁流失的。
喂, 點解啲色水都第一張差咁遠嫁?第一張用IG執過, 係有色水上少少嘅提升嘅.
PS, 我後尾再睇其他食譜, 如果要顏色再靚啲, 應該要加海鮮醬.
PPS, 我後尾搵到原來梅頭肉英文原來係, Pork Shoulder/ Pork Shoulder Butt
有興趣嘅朋友，可以去鋒狂德意志 JonWHDeutschland 俾個Like同Follow我, 又或者可以直接Follow我個Wordpress。
Flickr: 鋒狂德意志 Deutschland Working Holiday
鋒狂德意志 