上次講完整叉燒，今次講下(偽)吉野家牛肉飯(偽)吉野家牛肉飯絕對要多謝三毛露營廚房 提供食譜，我再帶到德國發揚光大。
材料非常簡單，亦相當容易煮。
食譜
- 洋蔥1個
- 鰹魚粉1包10g
- 豉油&味醂 （比例2比1)
- 肥牛 (呢樣食幾多落幾多啦下)
點煮？
洋蔥切條，落油熱鍋之後炒至半軟微金黃色。
然後加水至蓋過洋蔥，加包鰹魚粉 (呢個落多落少個人口味，我試過10g/20g，10g 都好夠味)，攪勻之後開大火煲滾水，滾之後較番細火慢慢煮軟洋蔥，直到洋蔥軟身至啱自己口味。
最後落肥牛！（肥牛同鰹魚粉又係多謝唔少得偉大嘅慕尼黑華興）與之同時加醬油同味醂較番個色出味。記住醬油味醂比例係2比1，又係自己覺得夠味就ok嫁啦。
最後肥牛都熟埋就可以上碟嫁啦。
千萬唔好以為我過到嚟淨係食亞洲菜啊，我下次整個pasta食譜過你地嘆下。
鋒狂德意志 