鋒狂德意志Week 20 意大利人擦牙一定用呢隻牙膏

話說肥仔花決定咗係返香港之前再去一次意大利+南法,所以我地兩個去完冰島一個轉身就搭車落意大利。
而我地意大利/南法行程大概就係: 羅馬->拿波里->梵帝崗->羅馬->佛羅倫斯->比薩->尼斯->摩納哥->康城->米蘭番慕尼黑
意大利除咗拿波里之外其他地方我都其實係重遊久地,所以都無咩特別好寫,反而想寫一支牙膏。

我同肥仔花由冰島開始,上天下海捐山窿乜都做齊曬,睇教堂睇文物睇博物館又各自做唔少,所以去到佛羅倫斯大家都飽飽地,周街鑽行下啲大街小行就算。
我地到埗第一晚,諗住落超市買啲補給順便睇下有冇特色野。行下行下,我就發現到呢支野:

一支閃令令嘅牙膏 (知道係咩黎嘅唔好柴台住)

我第一時間叫肥仔過黎研究下支野,仲同佢講:「睇支野咁架勢堂,又閃令令,又有嘜頭又剩咁。計我話呢支野一定係意大利人嘅國民牙膏,意大利人擦牙一定係用呢支牙膏。」,肥仔一聽完不可置否,跟手就無左回事。

直到我地去完聖母百花大教堂,係附近周圍逛,見到一間名不經傳小本經營嘅藥妝店(圍住聖母百花大教堂轉一個圈就實搵到),入到去見到佢牌頭就棟住個架,一列都係上面果支牙膏嘅Product,仲要有7種唔同嘅味道揀,我同肥仔再一次係度諗:支野唔係真係咁勁阿嘛?我地唔信邪,照樣都係睇完就算。但係一路諗住行番去酒店期間,我地一路係度搵支牙膏究竟係咩來頭。唔搵由自可,一搵嚇一跳。

Marvis 牙膏,牙膏中嘅Hermes

呢幾隻字就係Google搜尋頭幾隻彈出嚟嘅字,我同肥仔越睇越想試,可惜離果間藥妝店都有一段路程,我地喺附近啲超市或者藥劑店睇下會唔會有,但係搵落發現原來小小藥妝店賣緊個價係全城至抵,於是我地沿途折返去小店,好彩佢地都未打佯。如是者,我同肥仔各自買左自己想要嘅牙膏返酒店。抵到爛藥妝小店買嘅話,大支裝最貴都只係4歐,細支裝更係2歐就有交易,係Cafe飲杯咖啡無左啦。

其實去旅行好多時都唔一定要Google左先,靠住自己嘅好奇心發掘到嘅野有時候仲有趣。

PS,我返到慕尼黑發現原來都有得買,但係果然隔個國就隔個價,係呢度買支普通版都要10歐半,美白版仲要貴2歐。

PPS,我真心覺得果7支牙膏,儲齊加用齊7隻味係可以召喚神龍實現你一個願望。

美白牙膏細支裝

更多Marvis牙膏嘅資訊可以上網自行Goggle,有大把資訊。

 

有興趣嘅朋友,可以去鋒狂德意志 JonWHDeutschland 俾個Like同Follow我, 又或者可以直接Follow我個Wordpress。
Flickr: 鋒狂德意志 Deutschland Working Holiday

Advertisements

Author: Jonathan Lee

90後港大新鮮失業生 (Fresh Graduate), 一畢業就失業 唔識死唔認命 一口唔咸唔淡無尾音德文, 出走德國Working Holiday一年 係光怪陸離嘅香港拉番我嚟現實之前 堅離地一次

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s