鋒狂德意志Week 5.1 WG一屋七房客二三事

過埋今日,我住緊嘅WG就會集齊7個roomate,可以召喚神龍(誤)。
分別有法國仔同女當家、我、幽默德國仔、敘利亞巴打、烏克蘭家姐同意大利妹。

屋企咁multi-national, 真係預左唔會多時間會用得上德文傾計。更唔好提女當家都係法國人,耐唔時都會同法國仔嗲兩句法文,俾個機會大家學法文咁話。

同第二個國家嘅人一齊生活,你完全會感受何謂異國風情。對於生活,其實大家都係慵懶與認真嘅結合體;只係當著眼點唔同,就會有文化嘅差異。

  1. 其實成間WG個個都係新房客,咁岩大家又忙到PK。好多時食完野都唔會即刻將啲碗碟放落洗碗機,求其放喺餐檯或塞曬啲碗碗碟碟係鋅盤就算,甚至乎砂煲罌罉煮完野食放係爐頭;唔係肚餓要煮野食都唔會清左個爐頭同鋅盤佢。好多時我就好似越洋過海過到黎,為佢地生活上嘅整潔略盡綿力執頭執尾,亦即係做打雜清潔。但係我又未搵到工未有書讀, 無所謂啦。只係有時會係度諗,我咁樣會唔會令佢地依賴我呢?
  2. 隨住大家生活作息穩定落黎,大家都同意要整個Putzplan(cleaning plan)同埋星期六、日 得閒果陣大家一齊執下屋。呢個時候,作為一個短期租客就會發現,唔好話東方人西方人,就連歐洲國與國之間嘅習慣都可以大不同。小至餐具放邊度,大至各人食物擺邊、公家油鹽糖清潔用品都要”民主”地傾一餐。然後果個星期日我地食完個Late Lunch,用左3個鐘執廚房,夜晚果餐都無人有閒情煮飯食。
  3. 係歐洲(可能只限德國),你係甚少會見到蟑螂老鼠,夏天訓覺蚊都唔咬。不過一到夜晚,飛蟲係絕對唔會少;講得出嘅嗡唔出個名嘅,芝麻咁細嘅淨係隻腳都有手指咁長嘅,包羅萬有。自細住係個花池(皆因娘親乃惜花之人是也)隔離嘅我一於好少理,見怪不怪。不過同屋每每遇到呢啲情況,就好似人在野現場播映一樣,只不過今次遭殃依嘩鬼叫嘅係人。大家意圖趕走跌跌碰碰嘅過客,但係又唔會諗住手起刀落給它一個痛快。在我睇嚟有啲假惺惺又彷彿抱著佛嘅”不殺生”自找麻煩。有時係度諗:究竟係因為香港華洋雜處,還是所有人其實都係咁樣係呢個地球生活?睇睇下又唔覺得真係”咁”有文化衝擊,只係受環境文化影響,先令到每一個地方嘅人某個習慣同性格比較多同突出,然後對比番自己大相徑庭先會大驚小怪。凡事抱住學野嘅心態,無野你係接受唔黎嘅。

有興趣嘅朋友,可以去鋒狂德意志 JonWHDeutschland 俾個Like同Follow我, 又或者可以直接Follow我個Wordpress。
想睇更多呢幾日嘅相,可以去我Facebook album鋒狂慕尼黑度睇嫁。

Advertisements

Author: Jonathan Lee

90後港大新鮮失業生 (Fresh Graduate), 一畢業就失業 唔識死唔認命 一口唔咸唔淡無尾音德文, 出走德國Working Holiday一年 係光怪陸離嘅香港拉番我嚟現實之前 堅離地一次

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s