講到集中營，相信一般人都無乜點諗過旅行會去睇一睇呢啲地方。但係自從睇過黃翠如同蘇文峰嘅40日峰狂嘆世界，當中介紹過奧斯維辛集中營之後，就一路都想親身去睇下呢個於歷史舞台佔重要一席位嘅地方。
奧斯維辛集中營其實就係波蘭嘅，只係我4年前同屋企人遊東歐時去過。我就無咁叻仔，去完又去啦。但係當我知道慕尼黑附近都有一個集中營嘅時候，無理由唔去睇下掛。
Dachau KZ(達豪集中營)，位於慕尼黑外圍小城市，一程S-Bahn（S2)坐到去Dachau站然後轉巴士坐多10分鐘就到，全程有指示同英文水牌，唔識德文都Kein Problem。
有說奧斯維辛集中營係首個二戰嘅集中營，但係其實達豪集中營先係數一數二初期設立嘅集中營。詳情可以係呢度睇睇，CONCENTRATION CAMPS, 1933–1939。但係如果話屠殺得最多人嘅，奧斯維辛集中營絕對有得比下去。
講番達豪集中營，作為初期嘅集中營，其實最初主要囚禁政治犯、罪犯，亦都有囚禁猶太人同一啲幫助猶太人嘅德國人。呢度用於困人多過處決人，所以比起奧斯維辛集中營，呢度少一分肅殺嘅氣氛；但係亦都有唔少嘅猶太人係呢度死於變態嘅軍事實驗之下。
其中一段由當時在囚於集中營人士回憶嘅短片提到，由踏入集中營嘅一刻，佢地不再有尊嚴、不受尊重、沒有榮譽(no dignity, no respect, no honour)。而呢句說話係復刻嘅集中營設備可見一斑。
雖然話係初代集中營，但係呢度不缺毒氣室同焚化爐。雖說根據資料報稱呢度嘅毒氣室從未使用過，而我眼望上去毒氣室裡面嘅牆壁亦都無好似奧斯維辛咁有多次使用嘅痕跡；但係由出面望過去整個行刑室嘅設計，自己都不禁顫悚。
雖然講唔上係咩大道理，但係一個又一個集中營遺址唔係用黎重覆追究德國(納粹)犯過嘅罪孽；而係用作警世作用，提醒世人以此為鑑，千萬唔好再係未來設立泯滅人性嘅監獄。
有興趣嘅朋友，可以去鋒狂德意志 JonWHDeutschland 俾個Like同Follow我, 又或者可以直接Follow我個Wordpress。
想睇更多呢幾日嘅相，可以去我Facebook album鋒狂慕尼黑度睇嫁。
