Vibrance7天九州自駕食玩訓買好西 – Day 1 (福岡)

Vibrance 一詞,係來自小弟當年搞學會嘅莊名。假如你識得我,你好。假如莊友你搵到黎呢度,係啊,我去Working Holiday啊, hehe。

考完大學生涯最後一個final之後,成日都望快啲到五月尾,因為五月尾就我同一班莊友去日本畢業旅行(Grad Trip)嘅日子。

Day 1 都係趕飛機嘅行程,朝早七點九HKExpress機(事前check定in,啫係六點要去到寄行李)。如是者晏晝12點鬆啲就到左福岡機場,因為架機細,一點鬆啲就到左博多車站。因為約左Airbnb屋主3點鐘check in, 所以我地決定係博多車站地下街食個Lunch先。

因為馬肉刺身係福岡佐賀一帶叫做出名,咁啱入去果間和食餐廳有賣,於是乎同莊友3個人share一客。唔,食落有啲似吞拿魚,不過煙韌啲。試食馬肉刺身,checked。

馬肉刺身

上番地面,先發覺原來出面落緊雨,而且都幾密吓。幸好我地都帶左遮,我仲著住左件雨褸tim。

食完飯,我就膽粗粗渣住Airbnb屋主俾我嘅指示同地址帶住啲莊友去搵當晚住宿。其實我都係第一次用Airbnb,一路搵一路諗埋啲唔等洗野:”會唔會中伏嫁?””會唔會查無此人,404 not found嫁?””會唔會搵唔到間野係邊嫁?”。行下行下就去到門口,比同屋主約時間仲要早左10分鐘,正當15/16好唔好上去搵個屋主之際,佢就施施然行左去黎迎接我地。上去到一睇,理想與現實相符,係啲相用左廣角鏡影,睇落個廳闊啲啫。夠塞我地11個人就ok 嫁啦。
(如果有興趣,呢間係我當晚過夜嘅地方:https://www.airbnb.com.hk/rooms/11422100)

抹茶雪榚蜜瓜包

因為第一日本身都無預到有咩景點,所以攤抖左一陣,我地就行番出去博多車站附近啲商場行下,預先睇定睇啱有啲乜野買,臨走果日先一次過買,唔洗孭住啲戰利品周圍走。去到 “0101百貨”,我乜都唔記得,淨係記得呢個抹茶雪榚蜜瓜包啦。。。。

 

行到夜晚6點幾,我地搭地鐵去天神站,諗住去會一會當地嘅”屋台”。屋台,就好似六、七、八嘅車仔檔; 唔同嘅係屋台一般都會有檯凳。食物一般都會有燒物,餃子,關東煮,炒麵,拉麵同埋酒等等。奈何我地太早到,再加上雨越落越密,只見已經開檔嘅屋台並唔多。終於行左15分鐘,見到有兩間相鄰屋台開左檔,夠位塞我地11個; 我地都決定唔計較咁多,分兩班人幫襯兩間屋台。

伙計哥哥幫我地準備燒物
明太子餃子 & 梅酒

原本作為一個拉麵愛好者,我其實真係好想一試當地一蘭以外嘅拉麵,不過因為個蜜瓜包實在太頂胃,所以我淨係食左:關東煮(魔芋、蘿蔔、魚腐)、燒雞腎、明太子餃子同埋一杯梅酒就算。

飲飽食醉之後,一簾之外仍然落密密細雨,賴死唔走唯有轉戰天神地下街。

天神地下街  Photo credit: Ken Lee (Facebook)

天神地下街分開東西兩邊,就算齋行唔逛,無番15分鐘都唔洗旨意來回行一圈。就係我地諗住慢慢行一個來回嘅時候,我地行到一半。。。發現周圍啲鋪頭一間接一接落閘!?原來地下街嘅營業時間去到夜晚九點,而一般佢地都會早少少(啫係15分鐘)落閘收鋪,變相我地食完飯已經無街行 Orz。咁唯有早少少搭車博多,行下family mart,買下啲香港便利店未見過嘅野,番到民宿玩下卡Game,梳洗下,篤下電話,準備Day 2 食完早餐攞車開始自駕遊。

Day 1完。

Advertisements

Author: Jonathan Lee

90後港大新鮮失業生 (Fresh Graduate), 一畢業就失業 唔識死唔認命 一口唔咸唔淡無尾音德文, 出走德國Working Holiday一年 係光怪陸離嘅香港拉番我嚟現實之前 堅離地一次

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s